CHEGA A PRIMAVERA E CON ELA MOITAS CELEBRACIÓNS, entre elas... AS LETRAS GALEGAS!
Este ano adicadas a..BEGOÑA CAAMAÑO
No barrio vigués do Calvario nace no ano 1964 Begoña Caamaño Rascado, unha nena curiosa, rebelde e vivaz que medra nun ambiente de xogos e lecturas, de lama e asfalto, de campos e hortas nos que desenvolve as primeiras experiencias de vida que a van marcar na maneira de ver o mundo e de entendelo.
Preme nas imaxes para descubrir máis sobre ela...
AQUÍ ATOPARÁS MOREAS DE ACTIVIDADES, VÍDEOS, XOGOS, CANCIÓNS!!!
E COMO NO LOPE SOMOS MOI MODERN@S, PREGUNTAMOS...QUE VOS PARECE ESTA CANCIÓN CREADA CON IA? PREME NA IMAXE PARA ESCOITALA...
E se te animas cun bo xogo, aquí vos deixamos estes...
Chega o mes de maio e con el unha das tradicións máis bonitas e recendentes de Galicia. Se pensabas que o 1 de maio era só para descansar, estás moi equivocad@! Nas nosas vilas sacamos o espírito máis "enxebre" para darlle a benvida á primavera como se merece: con arte, música e moita retranca.
🤔 QUE SON EXACTAMENTE OS MAIOS?
Non son árbores, pero paréceno. Os Maios son figuras feitas con elementos da natureza que representan o espertar da terra. Para facelos usamos:
Musgo e fieitos: Para darlle ese corpo verde tan característico.
Xestas e flores: Para dar cor e un arrecendo único.
Froitos: Como laranxas, ovos ou incluso castañas para os detalles.
A MAXIA DAS COPLAS
O mellor dos Maios non é só o bonitos que quedan, senón o que din! Ao ritmo dos paus e dos tambores, cántanse as coplas. Son versos cargados de humor e crítica social onde se repasa o que pasou no pobo durante o ano. É o momento de dicir as verdades cantando!
🛠️ E POR SE VOS ANIMADES A FACER UN... GUÍA RÁPIDA PARA FACER UN MAIO
A ESTRUTURA: Podes facela de madeira ou arame. Lembra que debe ser estable!
O VESTIDO: Vai "cosendo" o musgo con fío ou grampas pouco a pouco. É un traballo de paciencia!
A COR: Decora coas flores máis rechamantes que atopes no campo.
A RETRANCA: Prepara a túa canción. Canto máis graciosa, máis aplausos levarás.
Velaquí a rapazada de 6º procurando o seu...
💡 SABÍAS QUE...?
Antigamente existía o "Maio vivo": un neno ou nena cubríase totalmente de herba e flores e ía polas casas pedindo un pequeno aguinaldo a cambio de cancións.
Este ano non te quedes na casa e axúdanos a manter viva esta tradición tan nosa!
PODES PARTICIPAR EN VARIOS CONCURSOS QUE HAI POLA CIDADE...
PARABÉNS Á RAPAZADA DE 6º DO COLE, XA QUE VEÑEN DE GAÑAR O ENREGUÉIFATE NA MODALIDADE: A REGUEIFA MÁIS DIVERSA!
AI!! QUE B@S ARTISTAS TEMOS NO COLE! SE OS VEDES POLOS CORREDORES, APROVEITADE PARA PEDIRLLES UN AUTÓGRAFO! E TAMÉN Á PROFE MERI QUE FOI A SÚA MENTORA!
AQUÍ VOS DEIXAMOS O ENLACE PARA QUE DESFRUTEDES DA SÚA ACTUACIÓN...
Con este frío que nos trae o inverno, estamos desexando comidas quentiñas e típicas como o Caldo de Repolo. Anímate a cantalo con nós e xa de paso tomar unha cunquiña....
PATACAS, CHOURIZOS, UNTO, REPOLO.... NA VOSA CASA ENGADÍDESLLE ALGO MÁIS? CONTÁDENOS!
.gif){kind=small}
