CAMIÑO DA LINGUA

O luns, día 11 de outubro recibimos unha visita de animadores enviados pola Concellería de Normalización Lingüística do Concello de Vigo

Os alumnos e alumnas de 3º de Primaria disfrutaron das actividades de Camiño da Lingua nun proxecto que inclúe probas lingüísticas, culturais e xogos onde o vínculo é a Lingua Galega.

O taboleiro de xogo simula o coñecido xogo da oca pero tematizado con monumentos e lugares emblemáticos da cidade de Vigo.

Os alumnos e alumnas superaron unha serie de probas lingüísticas, culturais e lúdicas para conseguir o preciado "Tesouro de Rande".

Foi moi interesante e divertido. Serviu para potenciar o uso da nosa lingua e para coñecer a cidade onde vivimos.