REVISTA LUSCO FUSCO 16

E COMO PECHE A TODAS AS ACTIVIDADES QUE ESTAMOS A DESENVOLVER ESTE CURSO...

SAIDIÑA DO FORNO... 

PREME PARA DESFRUTAR DELA!

LUíSA VILLALTA- LETRAS GALEGAS 2024

A poeta Luísa Villalta será este ano a homenaxeada das Letras Galegas 2024

Se queres saber máis sobre ela, preme nas imaxes...levarante a coñecer o seu mundo e a súa historia, chea de música e creatividade...

Veña, xogar de cando en vez tamén pode ser moi interesante! anímate con estos xogos en liña sobre Luísa, preme na imaxe de abaixo e a ver quen gaña!

Escolma Luísa Villalta

Publish at Calameo

>E aquí debaixo poderás coñecer un percorrido polas Letras con nome de Muller

SABÍAS QUE NESTE COLE... PERMITIMOS SACAR A LINGUA? 21 FEBREIRO DÍA INTERNACIONAL DA LINGUA MATERNA

 TAL COMO OES!

QUE CHE PARECE?

PREME NA CANCIÓN E ANÍMATE A SACAR 

A LINGUA FÓRA!

Con tanta troula decirvos que o  21 de febreiro, adicámosllo á celebración do Día da Lingua Materna.
A UNESCO entende que o Día da Lingua Materna está destinado a celebrar e preservar a diversidade lingüística do noso planeta, asegurando vías de desenvolvemento sostible para todas as linguas. Promulga deste xeito, a través da celebración do 21 de febreiro, a necesidade dun día de conmemoración das linguas para protexer e amparar a pluralidade cultural e lingüística de cada comunidade, preservando a diferenza e fomentando a tolerancia e o respecto aos demais.
Dende o Lope sumámonos a esta intención co orgullo que nos proporciona dicir que a nosa lingua nai é o galego e que nos esforzamos por crear un espazo de resistencia e liberdade no que darlle acollida e facela medrar. (Ed. Galaxia)

ENTROIDO II ! e moito máis...

E que non hai dous sen tres! Aquí no Lope non deixamos nin que a choiva nos quite as ganas de troula!

Para que vexades que ben o pasamos, deixámosvos un pequeno anaquiño da nosa merdeirada cativa...A rapazada de 3º dende Plurilingüismo e logo do obradoiro da Asociación Etnográfica A Merdeira de Vigo, fixeron esta maravilla para axudar a recuperar esta figura tan emblemática do entroido vigués. 

Nuns días haberá algunha sorpresiña máis do noso entroido, que non só hai merdeiros, tamén... ups! case se me escapa! Teredes que esperar un pouquiño máis...

E se queredes saber máis dos Merdeiros e a súa historia, podes atopar info premendo por aquí abaixo...

POR FIN PUIDEMOS TER O NOSO MERECIDO DESFILE DE ENTROIDO! UNHA PEQUENA MOSTRA DO BEN QUE O PASAMOS EN INFANTIL...

ENTROIDO....!

 Aquí vos deixamos os mandadiños do noso Meco Merdeiro, tan típico de Vigo!

Como ben saberedes xa, Galicia ten unha riqueza cultural impresionante e en canto a festas... digamos que somos uns grandes expertos!

O Entroido en moitas localidades, é tan importante que lles leva preparalo todo o ano! Si, les ben! todo o ano!

Se queredes saber máis, aquí vos deixamos uns vídeos moi interesantes para que collades ideas, cóntadenos logo... de que vos ides disfrazar vós?

E tamén temos moitas curiosidades por descubrir nestes enlaces que vos deixamos... 

Premede nas fotos e... que viva o Entroido Galego!

pssss! 

preme nas máscaras e move o esqueleto...

É TEMPO DE NADAL

Este curso estamos a traballar no cole o Proxecto "Miña Terra Galega" en colaboración coa Biblio do noso cole... e sabiades que en Galicia temos o noso propio "Papá Noel"? Neste caso nós chamámoslle Apalpador....por se che apetece coñecelo mellor...

O Apalpador

Nos últimos anos estase a recuperar a mítica personaxe do Apalpador. Vivía nas altas montañas das serras orientais de Galicia e que nos días do inverno baixa ás aldeas e vilas dos vales para apalparlles a barriguita ás meniñas e aos meniños por ver se comerán ben durante todo o ano, achegándolles castañas e agasallos feitos a man.

Caracterízase por ser un xigante bonachón que viste boina e traxe esfarrapado e con remendos, fuma en pipa e se alimenta con baias salvaxes e os porcos bravos que caza no monte.

Recuperar o Apalpador é un acto de reivindicación da memoria do noso país, das nosas tradicións. Tamén está moi relacionado co tema do consumo solidario e responsable.

e xa postos en tradicións... este ano seguimos co que xa se vai a converter na tradición do Lope, cantar todo o cole xuntos a PANXOLIÑA DE NADAL!
PREME NA IMAXE E AFINA A TÚA VOZ! NECESITÁMOSVOS MOI CANTAREIR@S PARA O FESTIVAL DE NADAL!

o Samaín trouxo consigo momentazos moi divertidos

E velaquí un pequeno resumen do ben que o pasaron os pequechos de Infantil...

SAMAINCIÑO PEQUENIÑO 

e os artistas de Primaria...